Дзæуджыхъæуы райдыдтой 18-æм «Колмогоровы номыл кæстытæ»

Дзæуджыхъæуы райдыдтой 18-æм «Колмогоровы номыл кæстытæ». Сæ сæйрагдæр хæс у курдиатджын фæсивæды рабæрæг кæнын. Къуырийы дæргъы æрыгон ахуыргæндтæ дзурдзысты сæ наукон архайды тыххæй. Иртасæн куыстытæ равдисдзысты ахæм номинациты, куыд информатикæ, математикæ, физикæ, биологи, хими. Уымæй уæлдай, гуманитарон наукæты. Архайджытæ сты 5-æмæй 11-æм кълæсты онг скъоладзаутæ. Фидæнмæ зонадон ерыстæм æмхиц кæндзысты райдиан кълæсты ахуыргæнинæгты дæр. «Колмогоровы номыл кæстытæ» сты Æппæтадæмон наукон конференцийы æвзарæн къæпхæн. Ацæудзæн Мæскуыйы. Уæлахиздзаутæ сæ иртасæн куыстытæ равдисдзысты Мæскуыйы паддзахадон университеты. Фарон цæгатирыстойныг скъоладзаутæ математикæйы секцийы бацахстой æртыккаг бынат. Сарæзтой рæтæн хиды хуызæг. Регионалон конференци ахæсдзæн 28-æм мартъийы онг. Ацы аз дзы ис 40 скъоладзауы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv