Сергей Меняйло ног ахуыры азы фæдыл арфæ ракодта скъоладзаутæ æмæ ахуыргæнджытæн

Сергей Меняйло бабæрæг кодта Алагиры 2-æм скъола. Кадджын линейкæйы республикæйы сæргълæууæг раарфæ кодта сабитæн æмæ сæ ахуыргæнджытæн ног ахуыры азы райдианы фæдыл. Регионы разамонæджы номæй фыццæгæмкъласонтæн балæвар кодтой ахуырæн хъæугæ дзауматæ. Ацы аз Цæгат Ирыстоны ис 97 мин скъоладзауы. Уыдонæй 9 минæй фылдæр сты фыццæгæмкъласонтæ. Республикæйы бындуронæй сцалцæг кодтой æмæ байгом кодтой 30 ахуыргæнæн уагдоны. Цалцæггæнæн куыстытæ снысан кодтой 66 скъолайы, уыдонæй ма афæдзы кæронмæ æппæт куыстытæ фæуын хъæуы 11 ахуыргæнæндоны. Кадджын линейкæтæ Цæгат Ирыстоны скъолаты ацæудзысты райсом дæр.