Хицауады уæнгтæ ныхас кодтой кæлæддзаг хæдзæрттæй ногтæм раивыны программæйыл

Хицауады хæдзары ныхас кодтой цæрджыты кæлæддзаг хæдзæрттæй ногтæм раивыны программæйыл. Амыдта йæ премьер Дзанайты Барис. Программæйы архайынц Дыгуры, Мæздæджы, Рахизфарсы районтæ æмæ Дзæуджыхъæу. Цæрæнуæтты коммуналон хæдзарад, артаг æмæ энергетикæйы министр Таматы Майрæны ныхæстæм гæсгæ, 2019 азæй ногтæм раивын хъуыдис 20 мин квадратон метры. 43 бирæфатерон хæдзары цардысты мин адæймагæй фылдæр. 627 дзы ныридæгæн ног фатертæ райстой. Ивгъуыд азы хатдзæгтæм гæсгæ республикæ план баххæст кодта 107%-æн.