Цæгат Ирыстоны нывгæнджыты цæдисыл сæххæст 80 азы

Цæгат Ирыстоны нывгæнджыты цæдисыл сæххæст 80 азы, уый фæдыл Национ музейы кадджын уавæры байгом нывгæнджыты равдыст. Аивадуарзджыты размæ рахастой 250 куыстæй фылдæр. Нывгонд æрцыдысты фæстаг фондз азы дæргъы. Жанртæ алыхуызæттæ: живопись, графикæ, скульптурæ æмæ декоративон аивад. Фенæн дзы ис хистæр фæлтæры хъуыстгонд нывгæнджыты куыстытæ. Нывкæнынад уарзджытæн цымыдисаг у æрыгон нывгæнджыты курдиат дæр фенын. Фыццаг бон къух бакæнæн нал уыд Национ музейы хæдзармæ. Алы кары адæмæн сæ зæрдæтæ рухс кодтой натюрморттæ æмæ пейзажтæй. Нывгæнджытæ спайда кодтой Нарты кадджыты æмæ таурæгъты фæлгонцтæй. Уыимæ историон нысаниуæг кæмæн ис, ахæм цаутæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv