Амондагурджыты хорздзинадæн

Дзæуджыхъæуы сарæзтой чындзæхсæвты æрвылазон фестиваль. Чи дзы архайдта, уыдонæн хорз æххуыс фæцис. Куывдтæ æмæ чындзæхсæвты рæстæг кæй æрбахæццæ кæны, уый тыххæй сæ сагъæстæ дæр фæфылдæр вæййынц. Егъау циндзинад куыд саив æмæ барæсугъд кæнæн ис, уыдæттæ радзырдтой ацы фестивалы. Уæдæ ирон æгъдау дæр хъуамæ рох ма уа. Ирон чындзæхсæв рагæй-æрæгмæ фидауы æгъдæуттæй æмæ рагон традицитæй. Куыд чызгæн, афтæ лæппуйæн дæр ацы бон у æппæты зынаргъдæр æмæ зæрдылдарæн. Куыд хуыздæр у хæстæджыты æмæ уазджыты чындзæхсæвмæ фæхонын, ууыл æмæ æндæр зæрдылдарæн мадзæлттыл æрдзырдтой фестивалы. Бинонтæ скæнынмæ чи хъавы, уыдонæн равдыстой алыхуызон цымыдисаг дзаумæттæ, мигæнæнтæ, уæлæдарæс, хæринæгтæ. Ахæм бæрæгбон фылдæр фæсивæдæн арæзт вæййы.Йæ аразджытæ куыд зæгъынц, афтæмæй адæм нæ рагфыдæлты æгъдæуттæ рох кæнын райдыдтой. Цæмæй уый ма уа æмæ кæстæртæ зоной ирон чындзæхсæв раст куыд арвитын хъæуы, уый тыххæй арæзт уыд ацы фестиваль дæр. Æрыгæттæн пайда сты. Чындзы къуым, мыдыкъус, цыллæ кæлмæрзæн, разгæмттæ æмæ æндæр аив дзаумæттæ. Фестиваль, арвæрдынау, цæхæр калдта алыхуызон ахорæнтæй.  Уазджытæн сарæзтой ахуыртæ. Радзырдтой сын декорацитæ рæсугъд хъæуы равæрæн ис, сиахсы къафеттæ куыд саив кæнын ис æмæ чындзæхсæвы æмбæлгæ æгъдæуттæ куыд сæххæст кæнын ис, уый сын бацамыдтой. Арæзт ма æрцыд ирон æгъдæууттæй цымыдисаг æрфарст. Чындзæхсæвы фидауц у ирон фæндыр. Кæстæр фæсивæд хъуамæ хъазты кафой, зарой æмæ æмдзæгъд кæной. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv