Сывæллæтты цинæн

Битарты Вячеслав бабæрæг кодта хæдзар-интернат «Узæлд». Арфæ ракодта интернаты хъомылгæнинæгтæн Ног азы бæрæгбæтты фæдыл æмæ сын радта лæвæрттæ. Уымæй уæлдай ма республикæйы сæргълæууæг æркаст агъуысты уавæрмæ. Ныртæккæ дзы сцалцæг кæнын хъæуы хæрæндон æмæ раздæры медицинон уæттæ. Битарты Вячеслав бабар кодта республикæйы фæллой æмæ социалон рæзты министр Хуыбаты Барисæн фарстамæ æркæсын. Республикæйы сæргълæууæг ма арфæйы ныхæстæ ракодта сывæллæтты хæдзар «Хуры тын»-ы хъомылгæнинæгтæн дæр. Уыдон ын бацæттæ кодтой концертон программæ - акодтой зарджытæ æмæ бакастысты æмдзæвгæтæ. Битарты Вячеславæн та балæвар кодтой сæхи къухтæй конд заз бæлас. Баныхæстой йыл сæ къамтæ. Республикæйы сæргълæууæг ахæм лæварыл тынг бацин кодта. Зæрдæ сын бавæрдта, хицауад дарддæр дæр кæй архайдзæн сывæллæттæн æмбæлгæ уавæртæ аразыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv