Хъæды хæдзарады кусджыты бон сбæрæг кодтой Дзæуджыхъæуы

Хъæды хæдзарады кусджыты бон сбæрæг кодтой Дзæуджыхъæуы. Арфæйы ныхæстæ æрдзхъахъхъæнынады æмæ æрдзон æвæрæнты министрады кусджытæн загъта нæ республикæйы сæргълæууæг Битарты Вячеслав. Куыд фæнысан кодта, афтæмæй Цæгат Ирыстоны таладон кæй фæзынд, уый хорз ахъаз фæуыдзæн æрыгон зайæгойтæй канд нæ республикæ нæ, фæлæ ма иннæты дæр ифтонг кæнынæн. Чи фесгуыхт, уыдонæн та Битарты Вячеслав саккаг кодта паддазахадон хæрзиуджытæ. Æрдзхъахъхъæныны кадджын кусæджы ном саккаг кодтой Кировы районы хъæды хæдзарады разамонæг Магомед Омаровæн. Уымæй уæлдай ма 10 адæймаджы райстой республикæйы æмæ федералон хицауады арфæйы фыстæджытæ. Территориалон структурон хайæдтæн та балæвар кодтой хæдтулæгтæ. Сæ фæрцы куыст ноджы ахадгæдæр уыдзæн. Бæрæгбоны хæрдзтæ бакодтой республикæйы бюджеты фæрæзтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv