Кæронбæттæн æмбырд

Дзæуджыхъæуы бюджет 2019-æм азмæ æмхъæлæсæй сфидар кодтой абон горæты депутатты 49-æм æмбырды. Амыдта йæ Хæдарцаты Махарбег. Дзæуджыхъæуы сæйраг финансон гæххæт у фылдæр социалон къабæзтæм здæхт. Фæрæзты 60% лæвæрд æрцæудзысты ахуырадæн. Ацы къабазы хæрдзтæ фæфылдæр сты 11%. Фæрæзты бæрцмæ гæсгæ дыккаг æмæ æртыккаг бынат ахсынц цæрæнуæтты-коммуналон хъæдзарады къабаз æмæ социалон политикæ. Уымæй уæлдай ма æмбырды æрдзырдтой, республикæйы парламенты сæрдармæ регионы сæргълæууæджы комкоммæ æвзæрстытæ раздахыны хъæппæрис бахæссыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv