Тускъаты Таймураз бæрæг кæны социалон объектты арæзтад

Абон Цæгат Ирыстоны хицауады сæрдар Тускъаты Таймураз радон хатт бæрæг кæны социалон объектты арæзтад. Æрмæст Дзæуджыхъæуы нæ фæлæ ма республикæйы районты дæр. Хицауады сæрдар ныридæгæн бабæрæг кодта цалдæр объектты. Фыццаджыдæр уыд Дзæуджыхъæуы 65 сывæллæтты рæвдауæндоны. Ам аразынц уæлæмхасæн бæстыхай. Уый руаджы дзы фæзындзæн фылдæр бынæттæ. Æдæппæй 250 сывæллонæн. Ацы хъуыддагмæ тынг æнхъæлмæ кастысты куыд ныййарджытæ, афтæ хъомылгæнджытæ дæр. Пъланмæ гæсгæ дарддæр Тускъаты Таймураз бабæрæг кодта Дзæуджыхъæуы 18 микрарайоны фæндаджы арæзтад. Ам цалцæггæнæн куыстытæ цæуынц майæ нырмæ. Баххæст сæ кæндзысты ацы азы кæронмæ. Ныртæккæ Дзæуджыхъæуы уыцы иу рæстæг аразынц æртæ ног скъолайы. Уым дæр куыстытæ куыд цæуынц, уый федта хицауады сæрдар. Ацы азы кæронмæ ахуыргæнæндæтты ахуыр кæныны фадат фæзындзæн дыууæ мин скъоладзауæй фылдлæрæн. Программæмæ гæсгæ Тускъаты Таймураз бабæрæг кæндзæн Рахизфарс, Кировы, Мæздæджы районты социалон нысаниуæг кæмæн ис, уыцы объектты арæзтад. Йæ балцы хатдзæгты тыххæй уын радзурдзыстæм нæ дарддæры равдыстыты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv