Цæгат Ирыстоны коронавирусæй рынчынтæ нæй

Цæгат Ирыстоны коронавирусæй рынчынтæ нæй. Уый тыххæй хъусын кæнынц республикæйы Фæлхасгæнджытæм цæстдарды управленийæ. Уагдоны æппæт хъæугæ профилактикон æмæ эпимидиологон мадзæлттæ дæр аразынц. Цæрджытæй коронавирус кæм рабæрæг , уыцы бæстæтæй чи ссыд, уыдонæн снысан кодтой сæрмагонд телефоны номыр. Уынут æй уæ экрантыл. Номырмæ бадзургæйæ базонæн ис æппæт хъæугæ информаци дæр. Специалисттæ сидынц, цæмæй къухтæ арæхдæр æхсой, адæм бирæггæйттæй кæм æмбырд кæнынц, ахæм мадзæлттæм ма цæуой æмæ витаминтæй хъæздыг хæринæгтæй пайда кæной. Абон республикæйы æппæт скъолаты дæр райдыдтой каникултæ. Уæрæсейы фæлхасгæнджытæм цæстарды управлени æмæ республикæйы ахуырады минстрады хъæппæрисæй райдыдтой нысангонд бонæй раздæр. Сæйраг нысан грипп æмæ æхснырсæг апарахат кæнын ма бауадзын. Дарддæр фарста лыггонд цæудзæн скъолайы ахуыргæнинæгты нымæцмæ гæсгæ. Уæлдæр ахуыргæнæндæттæ рацыдысты фæссауонмæ ахуырады хуызмæ. Се `хсæн Цæгат Ирыстоны паддзахадон университет, Цæгат Кавказы хæххон металлургон институт æмæ Хæххон паддзахадон аграрон университет. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv