Закъоны домæнтæ фæкарздæр сты

Уæрæсейы президент Владимир Путин бафыста ног закъон. Ныр транспортон фыдбылызы рæстæг нозтджын шофырты фылдæр æфхæрдзысты. Кæд транспортон фыдбылызы рæстæг адæймаджы æнæниздзинад хъыгдард баййæфта, уæд аххосджын фæбаддзæн ахæстоны 7 азы. Ныридæгæн уал ахæм хъуыддажы фæдыл адæймаджы æрцахсынц 4 азмæ. Кæд æмæ транспортон фыдбылызы рæстæг исчи фæмард, уæд закъонмæ гæсгæ адæймаг ахæстоны фæбаддзæн 12 азы. Ныридæгæн ахæм закъонхалды тыххæй адæймаг бадт 7 азы онг. Кæд фæмард дыууæ, кæнæ фылдæр адæймаджы, уæд аххосджыны сбадын кæндзысты ахæстоны 15 азы онг, 9 азы бæсты. Уымæй уæлдай ма закъон хауы транспортон фыдбылызтæм, кæдон æрцæуынц æфсæнвæндæгты, уæлдæфон æмæ денджызон транспорты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv