ВАЛААМСКАЯ ИКОНА БОЖИЕЙ МАТЕРИ.

Моя страница в ВК: https://vk.com/id630356924 #Православие, #Христианство, #иконыБожиейМатери, #Богородица, #ПресвятаяБогородица, #чудотворныеиконы, #чудотворныеиконыБогородицы, #ВалаамскаяиконаБожиейМатери Тропарь: Богоро́дице Де́во, на Твою́ ико́ну пресве́тлую взира́юще, ра́дуемся, пред не́ю бо на о́строве Валаа́ме мольбы́ усе́рдно моля́щихся исполня́ются; услы́ши, Пречи́стая, и на́с моля́щих Ти́ ся́, утверди́ на́с в ве́ре и любви́, и испроси́ ми́рови ми́р и душа́м на́шим ве́лию ми́лость. Перевод: Богородица Дева, на Твою икону пресветлую взирая, радуемся, ибо перед ней на острове Валаам исполняются мольбы усердно молящихся. Услышь, Пречистая, и нас молящихся Тебе, укрепи нас в вере и любви, и испроси мир всему миру и душам нашим великую милость. Ин тропарь: Днесь све́тло красу́ется оби́тель Валаа́мская, и вси ве́рнии в земли́ Росси́йстей духо́вно торжеству́ют, прославля́юще чудотво́рную ико́ну Твою́, Влады́чице, к не́йже ны́не мы притека́юще с любо́вию глаго́лем си́це: о Пречи́стая Де́во Богоро́дице, моли́ Сы́на Своего́ Христа́ Бо́га на́шего, да изба́вит оби́тель сию́ и вся гра́ды и ве́си страны́ на́шея, от всех наве́т вра́жиих и спасе́т ду́ши на́ша я́ко Милосе́рд. Ин тропарь: К Богоро́дице приле́жно ны́не притеце́м и к Ея́ ико́не чудотво́рней припаде́м и возопие́м Ей: о Пречу́дная Влады́чице Богоро́дице, ско́рое нам яви́ заступле́ние и по́мощь, зе́млю на́шу ми́ром огради́, ускори́ от вся́ких бед изба́вити ны по вели́цей Твое́й ми́лости. Кондак: Избра́нной Воево́де, Влады́чице на́шей Богоро́дице, похва́льныя пе́сни прино́сим, прославля́юще чудотво́рную Ея́ ико́ну, на о́строве Валаа́ме я́вльшуюся. Ты же, я́ко иму́щая Держа́ву непобеди́мую, от вся́ких бед и печа́лей изба́ви страну́ Росси́йскую и сотвори́ мольбу́ за вся́ лю́ди пою́щия Тебе́: Ра́дуйся, Неве́сто Неневе́стная. Молитва: О, Пресвята́я и Преблагослове́нная Влады́чице Богоро́дице, Небесе́ и земли́ Цари́це, оби́тели Валаа́мския Покрови́тельнице! Припа́даем и покланя́емся Тебе́ пред чудотво́рною ико́ною Твое́ю, и я́ко призре́ла еси́ ми́лостивно на моли́тву боля́щия рабы́ Твоея́ и дарова́ла еси́ е́й исцеле́ние, та́ко и ны́не приими́ на́ше усе́рдное моле́ние, тебе́ приноси́мое. Спаси́ и сохрани́, Всеми́лостивая, Оте́чество на́ше и вся́ лю́ди правосла́вныя, живу́щия в не́м и к Тебе́ с любо́вию прибега́ющия, от наше́ствия иноплеме́нных, от гла́да и мо́ра, и от вся́каго зла́; упра́ви пути́ на́ша, да возсия́ют в земли́ Ру́сстей пра́вда и ми́р, ра́дость и любо́вь, сохрани́ в не́й до сконча́ния ве́ка ве́ру Правосла́вную. Воззри́ ми́лостивым о́ком Твои́м на оби́тель Валаа́мскую и соверши́ Сама́ о Го́споде спасе́ние все́х в ве́ре и наде́жде подвиза́ющихся в не́й. Умоли́ Сы́на Твоего́ и Бо́га на́шего, да изба́вит все́х на́с от вся́кия беды́, ско́рби и боле́зни, да наста́вит на исполне́ние за́поведей Свои́х, от ве́чныя му́ки изба́вит и да сподо́бит Твои́м хода́тайством всели́тися во оби́телех Небе́сных и сла́вити та́мо Пресвяту́ю Тро́ицу, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.