Æрыдоны афæдзæй фылдæр кусы хуыйæн фабрикæ

Автоматикон комплексы руаджы хъуымæцтæ лыг кæнынц дæсгай хæйттыл. Уый фæстæ сыл æрытауынц гæххæттæй конд формæтæ æмбæлгæ бæрцимæ æмæ йæ уымæ гæсгæ кæрдын райдайынц. Дарддæр архайд цæуы кондады цехы, ам алы кусæг дæр дзуапп дæтты хицæн операцийæн. Кусынц Мæскуыйæ ласт нырыккон ифтонггæрзтыл. Хуыйæн фабрикæйы уадзынц нæлгоймæгты классикон хæлæфтæ æмæ фæсивæдæн хæдæттæ. Штаты ис 15 адæймаджы. Куыстуат æнтыстджынæй æмгуыст кæны Цæгат Каказы аграрон-технологон колледж æмæ 4-æм профессионалон лицеимæ. Фæстаг каст фæцис Гаглойты Олеся дæр. Фабрикæмæ æрбацыд фарон февралы кæрон. Къæпхæнгай райдыдта технологæй кусын. Ног кусджытæн æххуыс кæны ифтонггæрзтыл архайын, ахуыр сæ кæны. Уыцы-иу æххæст кæны хъуымацгæрдæгы хæстæ. Æрыдоны хуыйæн фабрикæ байгом кодтой афæдз размæ. Баххуыс сын  кодта Сергей Меняйло. Продукци чи æлхæны, уыдон чысыл не сты. Цæттæ партитæ æрвыст цæуы Цæгат Кавказы федералон зылды регионтæм æмæ Хуссар Ирыстонмæ. Куыст фæнд кæнынц ноджы парахатдæр кæнын. Фидæны фæнд кæнынц афæдзмæ сæ продукцийы кондад фæфылдæр кæнын 60 мины онг. Уый тыххæй сараздзысты ног цех. Райсдзысты фылдæр кусджытæ. Фабрикæйы æхсызгонæй æнхъæлмæ кæсынц астæуккаг профессионалон ахуыргæнæндæтты рауагъонтæм. Студенттæн арæзт цæудзæн практикæ.