Цæгат Кавказы хæххон-металлургон институты райдыдта наукон-спортивон скъолайы сæрдыгон дыккаг модул. Фыццаг къæпхæн ацыд Грознайы. Æртæ боны дӕргъы фæсивæд иртæстой аразгæ интеллекты сусæгдзинæдтæ, æнæ адæймагæй тæхæг аппаратты арæзтад, ныхас кодтой экологон æдасдзинадыл. Мадзалы архайы 50 студенты Мæскуыйы разамынды университет, Грознайы нефты техникон университет æмæ Цæгат Кавказы хæххон металлургон институтæй. Нæ республикæйы сæ арæхстдзинад равдыстой спорты: ерыс кодтой мини футбол æмæ волейболӕй. Æмгуыстады бæрæггæнæнтæ - æртæ уæлдæр ахуыргæнæндоны 'хсӕн бирæ азты хæлар ахастдзинæдтæ. Сæрдыгон наукон-спортивон скъолайы фæлгæты ректортæ бафыстой æмархайды бадзырдтæ. Сæрмагонд æмбырды æрдзырдтой иумæйаг проектты райрæзтыл, дарддæр дæр фæнд кӕнынц сæ фæлтæрддзинадӕй кæрæдзийæн хай кæнын. Мадзал, гæнæн ис, æмæ суа æрвылазон.