Дзæуджыхъæуы дарддæр цалцæг кæнынц фæндæгтæ. Транспорт æмæ фæндаггон хæдзарады комитеты бæрæггæнæнтæм гæсгæ, ацы аз горæты сцалцæг кæндзысты 34 объекты, æдæппæтæй 23 километры. Сæ иумæйаг фæзуат — 196 мин квадатон метры. Куыстытæм ис æппынæдзух цæстдард. Æнæном салдаты уынг æмæ Черменыхъæуы фæндаджы 'хсæн цы ацæуæн ис, уый ныр уыдзæн æнцонвадат æмæ æдас. Ставропольская уынджы цалцæг «Фæндаггон фонды» специалисттæ фӕуынвæнд кæнынц сентябрмæ. Ныртæккæ уал ын йæ фыццаг тæлм сарæзтой. Ныр ма баззад ног асфальты 800 метры сæвæрын. Дербентская уынджы объектыл  подрядисæг æмæ Техникон цæстдард æппынæдзух цалцæггæнæн куыстыты уавӕр нысан кæнынц къамтæ æмæ видеойы. Æппæт къæпхæнтæм дæр цæстдард ис «Фæндаггон фонды» 'рдыгæй. Куыстыты цыдмæ цæст дары Дзæуджыхъæуы администрацийы сæргълæууæг Милдзыхты Вячеслав. Ныртæккæ ам æвæрынц бордюртæ. Грибоедовы номыл уынг ма, цæрджыты курдиатмæ гæсгæ, раздæр истам. Ам нæ дуканитæ ис, нæ афтектæ. Уæдæ шофыртæн дæр æнцон нæу. Ныр уавæр хуыздæрырдæм ивын райдыдта. Мадæлтæ сæ сабитимæ тезгъо кæнынц, æмæ сæм кæдæй-уæдæй такси цæуын дæр райдыдта. Цин кæндзысты Трассовая, Магкæты Зурабы, Весенняя, Дæрæхохы фырты, Калинины, Галковскийы, Коцойы фырты, Левченко, Цаголы фырты, Кырджалийская æмæ поселок Спутникы цæрджытæ дæр. «Æдас æмæ хæрзхъæд фæндæгты» национ проектмæ гæсгæ, Дзæуджыхъæуы сцалцæг кæндзысты 25 фæндаджы, 11 — республикон бюджетæй. Фæндæгты рацарæзтæн федералон бюджетæй рахай кæндзысты 575 млн сомы. бынæттон бюджетæй — 200 млн сомы. Милдзыхты Вячеславы бардзырдмæ гæсгæ, 1 сентябрмæ куыстыты фылдæр зай сæххæст кæндзысты.