Нал баййæфтой

Къæдзæхы цъуппмæ хизгæйæ дзы иу рязайнаг альпинист фæмард. Абон райсомæй сæм ирвæзынгæнджытæ схæццæ сты. Уый тыххæй фехъусын кодта Цæгат Ирыстоны æнæнхъæлæджы уавæрты министрады пресс-службæ. Уæ зæрдыл уын æрлæууын кæндзыстæм, бон раздæр 7 альпинисты Рязанæй Сæнайы хохмæ хизгæйæ республикæйы æнæнхъæлæджы уавæрты министрадмæ фæфæдис кодтой. Куыд фехъусын кодтой, афтæмæй се 'мбæлттæй иу 3 500 метры бæрзæндыл бауадзыг ис. Ирвæзынгæнджыты къорд авдæй батагъд кодта альпинисттæн баххуыс кæнынмæ. Фæлæ хохы мигъ, стæй тыхджын дымгæ кæй кодта, уый тыххæй сæ бон авиацийæ спайда кæнын нæ бацис. Хъыгагæн, æвзæр боныхъæды аххосæй ирвæзынгæнджытæ æххуысагур альпинисттæм афоныл нæ бахæццæ сты. Уæдмæ нæлгоймаг йæ цардæй ахицæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv