Цæрæнуæтты фарста

534 бинонтæ райсдзысты сертификаттæ ног цæрæн бынæттæ балхæнынæн. Ууыл ныхас кодтой Хицауады æмбырды. Ахæм æххуыс ма райдзысты, Чернобылы фæстиуджытæ чи иуварс кодта, ахæм 10 бинонтæ. Арæзтад æмæ архитектурæйы министры хæдивæг Бититы Романы ныхæстæм гæсгæ, ног цæрæн бынæттæм рады лæууынц 1672 адæймаджы. 25 та сты, Чернобылы атомон фыдбылызы фæстиуджытæ чи иуварс кодта, уыдон. Сæ ног хæдзæрттæ ссардзысты сидзæр сывæллæттæ дæр. Ацы аз 60 сты. Тускъаты Таймураз куыд фæнысан кодта, афтæмæй сæйраг хæс у сывæллæттæн æмбæлгæ домæнтæн дзуаппдæттæг фатертæ бацæттæ кæнын. Дзырдтой ма нæ республикæйы социалон-экономикон рæзты стратегийыл. Проект æххæст кондзысты 13 азы æмæ дзы бакусдзысты 8 хайадыл: æнæниздзинад, аивадон индустри, ахуырадон-технологон комплекс æмæ æндæртыл. «Проектыл куыст афæдз æмæ `рдæгæй фылдæр цæуы. Иу азы размæ байгом нæ республикæйы рæзты агентад. Уый ног стратегийæн хорз ахъаз у. Бæрæг у, пайдайаг кæй разынд, уый. Æвзæрынц ног проекттæ, агурæм инвесторты. Стратеги арæзт у 13 азмæ, ома, æххæстгонд цæудзæн 2030-æм азмæ. Раздæр куысты хатдзæгтæм гæсгæ нæ бон зæгъын у, социалон æмæ экономикон фарстаты нæ къухы æнтыстдзинæдтæ кæй бафтыд. Хæххон фæзуæтты рæзты тыххæй дæр нæм ис социалон программæйы проект. Ивддзинæдтæ хæссæм амалхъом адæмæн æххуысы фондмæ. Зæгъæм, фермертæн сæ бон у къаддæр проценттимæ кредиттæ исын», — РЦИ-Аланийы экономикон рæзты министр Томайты Хъазыбег. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv