РЦИ-Аланийы хицауады аппаратон æмбырды æрныхас кодтой социалон фарстатыл

Дзæуджыхъæуы цадтæ ссыгъдæг кæнынæн рахай кæндзысты 20 милуан сомы. Куыстытæ бакæндзысты Хетæгкаты Къостайы номыл централон парчы æмæ доны станцæйы ацы аз. Ныртæккæ цæттæ кæнынц æмбæлгæ гæххæтытæ. Фарстайыл æрныхас кодтой республикæйы ведомствотæ æмæ министрадты разамонджытимæ аппаратон æмбырды. Æмбырд ацыд Сергей Меняйлойы разамындæй. Доны станцæ, Жуковскийы номыл æмæ централон паркты нывыл кæныны проекттæ цæттæ уыдзысты 10 сентябрмæ. Сергей Меняйло бахæс кодта хæстæгдæр рæстæг фæстаг дыууæ объектæн куыстыты æргъты экспертизæтæ саразын. Æмбырды ма ныхас цыд, нацпроектты руаджы цы социалон объекттæ арæзт цæуынц, уыдоныл. 6 рæвдауæндоны куыстытæ фæткӕвӕрдӕй фæстейы зайынц. Сæ техникон цæттæдзинад у 20 проценты. Регионы разамонæджы ныхæстæм гæсгæ, æбæрнон куыстытæ æххæстгæнæг компанитæм карздæрæй æркæсын хъæуы. Уыимæ ма, бацæттæ кæнын æппæт куыстуæттимæ дæр иумæйаг æмбырд. Фембæлд сараздзысты арæзтадон объекттæй иуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv