ХПАУ-йы музейы сарæзтой РЦИ-Аланийы Росреестры Управленийы æхсæнадон советы равдыст

Ацы аз Росреестрыл æххæст кæны 15 азы. Сæрмагондæй уыцы бæрæгбоны фæдыл паддзахадон хæххон-аграрон университеты сарæзтой равдыст «Картæ - царды развæндагамонæг». Зонгæ кæны, картографийы бæрæг цы хабæрттæ нæма сты, уыдонимæ. Архивон ӕрмӕджытӕ ӕмӕ, æмбал кæмæн нæй, ахæм экспонаттæ дæр дзы фенæн ис. Хæххон паддзахадон аграрон университеты музейы мæрзонынад æмæ минералогийы хайады фенæн ис 2 мин экспонатæй фылдæр. Се 'хсæн геологон хуызӕгтæ, мæры монолитты коллекци, стæй ма алыхуызон картæтæ, цалдæргай æнусы кæуыл цæуы, ахæмтæ. Революцийы агъоммæ университеты уыд нæлгоймæгты училище. Цæттæ дзы кодтой картографтæ æмæ топографты. Бахъахъхъæдтой ма дзы, æмбал кæмæн нæй, ахæм экспонат дæр – «Æфсæддон топографты корпусы куысты цыбыр очерк». Ацы куыст райдыдта профессор Панков. Куыд зонæм, афтæмæй картографи баст у геодезиимæ. Профилон кафедрæ дзы сырæзт, уæлдæр ахуыргæнæндон куы скуыста, уыцы бонæй. Ныртæккæ уыцы предмет ахуыр кæнынц «зæххарæзтад æмæ кадастр» стæй «агрономийы» дæсныйæдты. Экпертты ныхæстæм гæсгæ, абон геодези æнтыстджынæй рæзы. «Картæ - царды развæндагамонæг», зæгъгæ, номимæ музейы ацыд Росреестры Управленийы æхсæнадон советы равдыст. Æвдисы, картографийы бæрæг цы хабæрттæ нæма сты, уыдон. Мадзаларазджыты ныхæстæм гæсгæ, равдыст феххуыс уыдзæн агрономон факультеты студенттæн фидæны куыст равзарын æмæ уыцы дæсныйады æнтыстдзинæдтæ равдисынæн. Биджелты Бертæ