«Собери ребенка в школу», зæгъгæ, акци цæуы Дзæуджыхъæуы

«Собери ребенка в школу», зæгъгæ, хæрзаудæн акци цæуы Дзæуджыхъæуы. Сарæзтой йæ Цæгат Ирыстоны фæллой æмæ социалон райрæзты министрад, стæй «Быть добру», зæгъгæ, хæрзаудæн фонды хъæппæрисæй. Мадзалы сæйраг нысан - ног ахуыры азмæ сывæллæтты скъоламæ бацæттæ кæнынæн баххуыс кæнын. Ахуырæн хъæугæ дзауматæ ратдзысты æххуысцух бинонты чи хъомыл кæны, уыцы сывæллæттæн. Уымæй уæлдай ма йе нæниздзинад хъыгдард цы сабитæн у, уыдонæн дæр. Мадзалы руаджы ныридæгæн скъолайы формæ æмæ ахуырæн хъæугæ дзауматæ радтой 150 бинонтæн. Акци ахæсдзæн августы мæйы кæронмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv