Сбæрæг сты конкурс «Лидеры России» йы регионалон къæпхæны 7 уæлахиздзауы

Сбæрæг сты конкурс «Лидеры России»-йы уæлахиздзаутæ Цæгат-Кавказы федералон зылды. Регионалон кæронбæттæн къæпхæнты равзæрстой 7 хуыздæры. Се ’хсæн Цæгат Ирыстоны минæвар Перисаты Азæмæт. Архайдта «Паддзахадон разамынд», зæгъгæ, трекы. Азæмæт кусы ЦИПУ-йы юридикон факультеты ахуыргæнæгæй. Уымæй уæлдай ма у республикæйы парламенты паддзахадон-барадон управленийы специалист. Фæархайы социалон проектты, бакæны юридикон æххуыс лæвар. Конкурсы архайджытæ баххæст кодтой сæрмагонд кейсытæ æмæ алыхуызон хæслæвæрдтæ. Конкурсанттæн аргъ кодтой дæсны эксперттæ. Ныр регионалон уæлахиздзаутæ сæ тыхтæ бавзардзысты финалы æмæ райсдзысты ахуырадон грант фæйнæ милуан сомы бæрц. ________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv