«Худæг» хос

Зындгонд америкаг дохтыр Патч Адамс æрцыдис Цæгат Ирыстонмæ. Адæм æй зонынц, куыд Хосгæнæг Адамс, кæнæ та рынчындоны клоун. Рынчынты дзæбæх кæны худтæй. Йæ ныхæстæм гæсгæ, хостæй уæлдай, худгæйæ адæймаг тагъддæр сдзæбæх уыдзæн. 30 азæй фылдæр зилы дунейыл æмæ йæ сусæгдзинæдтæ æргом кæны. Дзæуджыхъæумæ æрцыд йæ кусджытимæ æмæ «Дети Марии»-йы аивадон центрты минæвæрттимæ. Уыдон æххуыс кæнынц сидзæр сывæллæттæн. Махмæ фыццаг хатт не ссыдысты. Центры директоры ныхæстæм гæсгæ, 2006-æм азæй фæстæмæ Ирыстоны вæййынц алы афæдз дæр. Ацы хатт бабæрæг кодтой церебралон параличимæ центр «Ир»-ы цы сывæллæттæ ис, уыдоны. Хъавынц ма районтæм дæр ацæуын. Зæгъын ма хъæуы уый, æмæ Патч Адамсыл систой киноныв Голливуды. Йæхæдæг дæр кæддæр сдзæбæх ис, бирæ кæй худт, уый тыххæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv