Плийы фырты номыл пионерты дружинæ

Октябрьскæйы хъæуы 2-æм скъолайы пионерты дружинæ та хæссын райдыдта Советон Цæдисы дыууæ хатты хъæбатыр Плиты Иссæйы ном. Акцийы кадæн райдиан кълæсты скъоладзаутæ аив рæнхъытæй цæуынæй с` арæхстдзинад равдыстой. Аив цыд æмæ хæстон зардæн разамынд лæвæрдта авиацийы инæлар-майор Бедойты Руслан. Мадзал уыд æппæтуæрæсеон адæмон фронты проект «Хъæбатыры ном – скъолайæн»-ы фæлгæты. Проект æххæст кæнынц æртæ азы. Уый руаджы нæ республикæйы 30 скъолайы хæссынц хъæбатырты нæмттæ. Уый та ууыл дзурæг у, æмæ æппæт Уæрæсейы стæм раззагдæртæ. Фидæны сæ фæнды фылдæр адæм æмæ ахуырадон уагдæттæ бафтауын ацы куыстыл. Æппæтуæрæсеон адæмон фронты минæвæрттæ ацы проект нымайынц тынг ахсджиаг æмæ пайдайагыл. Уый фæрцы бахъахъхъæндзыстæм Фыдыбæстæйы Стыр хæстимæ баст истори, уæдæ дзы йæ уд чи ныууагъта, уыдон дæр нæ уыдзысты рох. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv