Дзæуджыхъæуы иртæстой таксийы шофырты куыст

Таксийæ пайдагæнджыты æдасдзинад радон хатт сбæрæг кодтой регионы транспорт æмæ промышленносты министрады эксперттæ. Паддзахадон автоинспекцийы кусджытимæ иумæ рацыдысты радон рейды Дзæуджыхъæуы уынгтæм. Специалисттæ таксийы шофыртæй, фыццаджыдæр, домынц бардæттæг гæххæттытæ, бæлццæтты сæ рог хæссинæгтимæ ласынæн. Уымæй уæлдай, нæй æнæзакъонæй таксийы сæрмагонд нысæнттæй пайда кæнæн дæр. Ацы домæнтæ чи не ‘ххæст кæна, уыцы шофыртæ закъонмæ гæсгæ цæудзысты иваргонд. Хатдзæгтæм гæсгæ, ныртæккæ шофыртæй бирæтæм нæй сæрмагонд гæххæттытæ. Адæмæн лæггад кæнынц æнæзакъонæй. Специалисттæ сидынц адæммæ, цæмæй сæ æдасдзинадмæ фылдæр æргом 'здахой. Таксийы сбадгæйæ, шофырæй æрдомой адæмы æмæ рог уæз ласынмæ бардæттæг гæххæтт. Рейды архайджытæ бонмæ сбæрæг кæнынц 30 таксийы бæрц. Шофыртæй се 'рдæгмæ лицензи нæ разыны. Фæлæ бæлццæтты, закъоны æппæт домæнтæ хынцгæйæ, чи ласы ахæмтæ дæр гыццыл не сты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv