Аив дзырды дæсныгтæ

Æрыдоны районы культурæйы галуаны дыккаг хатт арæзт æрцыд республикон конкурс "Аив дзырды дæсны" скъоладзауты`хсæн. Сывæллæттæ кастысты æмдзæвгæтæ куыд иронау, афтæ дыгуыронау дæр. Сæ зæрдæмæ арф айстой ирон фысджыты прозæ. Конкурс арæзт æрцыд патриотон клуб "Райгуырæн бæстæ"-йы хъæппæрисæй. 100 скъоладзауæй фылдæр сценæйы кæрæдзи ивгæйæ равдыстой сæ алæмæты курдиат. Æрыгон кæсджыты хуыздæрты номхыгъды Едзайты Азæмæт, Хауттаты Зæринæ, Хъайтмазты Миланæ æмæ æндæртæ. Уæлахиздзауты схорзæхджын кодтой майдантæй, æвдисæндартæй æмæ цымыдисаг чингуытæй. Хуымæтæг конкурс ма арæзт æрцыд ахуыргæнджыты`хсæн. Хæслæвæрдмæ гæсгæ нывæфтыдты цы хуыз ис, уыдон хъуамæ ирон æвзагыл радзырдттаиккой. Ерыстæ скъоладзауты зæрдæмæ фæцыдысты, сæ зæрдæ дарынц ахæм фембæлдттæ арæхдæр кæй уыдзысты, ууыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv