Свято-Троицкая братская церковь | Фæд

1886 азы рухӕны мӕйы 8 бон Сыгъдӕг Троицкы номыл аргъуанӕн йӕ бындур ӕвӕрд ӕрцыдис. 1887 азы та самадтой дурӕй конд хӕдзар. Уыцы аз Джеоргуыбайы мӕйы 15 бон та суинаг Бетъырбухаг архиепископ Палладий уыцы хӕдзар ссыгъдæг скодта æмæ йыл саргъуыдта. 1888 азы рухӕны мӕйы Уӕрӕсейы паддзах Алыксандр 3-æм йӕ бинонтимӕ уыдис Дзӕуджыхъӕуы ӕмӕ аргъуанмӕ дӕр бацыд. Уый фӕстӕ Иасоны йӕхимӕ ӕрбахуыдта. 8 азы фӕстӕ аргъуаны цур конд ӕрцыдис скъола. Афæдз фæстæ та ацæргæ адæмæн хӕдзар. 19-ӕм ӕнусы кӕронмӕ ацы аргъуаны фӕзынд стыр ӕмӕ хъӕздыг чиныгдон, уыдис дзы ссарӕн, йӕ рӕстӕджы стӕм чи уыд, ахӕм чингуытӕ дӕр. Мӕгуыр адӕмӕй кӕсын чи зыдта æмæ нӕ горӕты уӕды интеллигенцийӕн фадат уыд стыр кӕсӕндоны чингуытæ бакæсын. Уыимæ ма лæвар. 1930-æм æзты аргъуан сæхгæдтой. Фыццаг йæ бынаты сарæзтой архив, фæстæдæр та дзы фæзынд культурæйы хæдзар. Цыбыр рæстæджы фæстæ йæ ныппырх кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv