5 июны Венгрийы райдайдзæн ясты æппæтдунеон конгресс

Цæгат Ирыстоны минæвæрттæ архайдзысты 25-æм ясты æппæтдунейон конгрессы. Уыдзæн 5 июнæй 10 июнмæ Венгрийы, горæт Яскишеры. Æрвылаз ацы бæрæгбонмæ саккаг кæнынц уазджытæ алы бæстæтæй. Нæ республикæйæ кадджын мадзалы архайдзысты адæмыхæттыты хсæн ахастдзинæдты фарстаты фæдыл министр Цуциты Аслан æмæ Уæрæсейы Федерацийы аивæдты сгуыхт кусæг Туаты Теминæ. Фестиваль райдайдзæн горæт Будапешты. Уым байгом уыдзæн стыр равдыст. Хъæууон-хæдзарадон музей Хамзайы æвдыст æрцæудзысты экспонаттæ, рагон дзаумæттæ, хъæууон хæдзарадон техникæ æмæ кусæн гæрзтæ. Балцы фæлгæты ма уыдзæн официалон фембæлд Яскишер æмæ Ясберены разамындимæ. Уæ зæрдыл уын æрлæууын кæндзыстæм, Цæгат Ирыстон ацы конгрессы фыццаг хатт архайдта 2016 азы. Йæ фæлгæты Дзæуджыхъæу æмæ Ясберены хсæн бафыстой хæлардзинады бадзырд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv