Кадджын преми

Къостайы номыл Паддзахадон преми райсыны номинантты номхыгъд кæронмæ сбæлвырд. Иу хатдзæгмæ `рцыдысты къамисы радон æмбырды хицауады сæрдары хæдивæг Фадзайты Æхсарбеджы разамындæй. Ацы аз æркастысты 15 курдиатмæ. 7 дзы сты литературæимæ баст, 8 та – аивадимæ. Номхыгъд сбæрæг æргом хъæлæсты руаджы. Номинанттæ систы Гегкиты Зойæ, Хъамболты Тамерлан, Гулуты Вячеслав, Годжыцаты Изольдæ, Туаты Алинæ æмæ æндæртæ. Нæ республикæйы сæрмагонд преми райсыны аккаг та сси Бæцæзаты Юрий, музыкалон сфæлдыстадмæ ахадгæ `вæрæн кæй бахаста, уый тыххæй. Преми райсыны кадджын мадзал арæзт æрцæудзæн 10 октябры. Уый размæ та къамис номинантты куыстытимæ хъуамæ йæхи рагацау базонгæ кæна æмæ уæлахиздзауты рæбæрæг кæна. Уæ зæрдыл уын æрлæууын кæндзыстæм æмæ Къостайы номыл Паддзахадон преми лæвæрд цæуы 1964 азæй фæстæмæ. Саккаг æй кæнынц, аивадмæ стыр æвæрæн чи бахæссы, уыцы курдиатджын адæмæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv