Цæгат Ирыстоны 17 скъолайы байгом кодтой нырыккон ахуырадон центртæ

Раздæр ма уын куыд хъусын кодтам, афтæмæй Цæгат Ирыстоны хъæуты 17 скъолайы байгом кодтой нырыккон ахуырадон центртæ «Точки роста», зæгъгæ. Сифтонг сæ кодтой бæрзонд технологон авналæнтæй: компьютертæ, 3D-принтертæ, квадрокоптертæ, робототехникæ æмæ æндæртæй. Скъоладзаутæн ма фæзынд шахмæттæй хъазыны фадат æмæ царды æдасдзинады бындурон зонындзинæдтæ ахуыр кæнын. Ацы ногдзинад царды рауадзыны фадат фæци федералон проект «Нырыккон скъола» æмæ национ проект «Ахуырад» æххæстгæнгæйæ. Уый тыххæй федералон бюджетæй рахай кодтой 26 милуан сомы. Цæмæй, сывæллæттæ бынаты исой хæрзхъæд æмæ нырыккон ахуырад, уый тыххæй ахæм уаврæтæ хъæуты скъолаты сты æнæмæнг хъæугæ. Фæнысан кæндзыстæм уый, æмæ ацы хъуыддаг къухы бафтдзæн нæ республикæйы ахуырад æмæ наукæйы министрады курдиаты фæрцы. Афтæ ма 2020 азы 42 скъолайы фæзындзысты нымæцон æмæ гуманитарон профилты центртæ, 2021 азы та 72 ахуырадон организацийы. Нымæцон æмæ гуманитарон къабæзты центртæ байгом уыдзысты Æрыдоны æмæ Дыгуры районты фæйнæ иуы, Алагиры, Æрæфы, Кировы, æмæ Рахизфарсы районты дыгæйттæ, æртæ Мæздæджы районты, æмæ Горæтгæрон районы 4. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv