Уæлахизы бонмæ цæттæ кæнын райдыдтой 58-æм æфсады

Хуссар Æфсæддон Зылды службæгæнджытæ ацыдысты сæрмагонд репетицитæ. Ныр уал куыстой æфсæддон къорды æмзмæлдыл. 30 апрелы та бацархайдзысты Дзæуджыхъæуы, Сæрибардзинады фæзыл цы генералон репетици уыдзæн, уым. Уый тыххæй хъусын кæнынынц 58 æфсады пресс-службæйæ. Куыд фæнысан кодтой, афтæмæй Цæгат Ирыстоны Уæлахизы парады архайдзæн 1,5 мин æфсæддоны æмæ 44 хæстон техникæйы иуæджы. Парады равдисдзысты згъæрмашинæтæ «Тигр», БТР-тæ, ракетæты комплекс «Искандер», системæтæ «Ураган», гаубицæтæ æмæ æндæр техникæ. Уымæй уæлдай ма 58 æфсады службæгæнджытæ бацархайдзысты Хуссар Ирыстоны дæр цы Уæлахизы Парад саразадзысты, уым. Уæлахизы бон бæрæг кæндзысты нæ бæстæйы алы горæтты дæр. Æнæмæнг сæйрагдæр мадзал ацæудзæн Мæскуыйы. Уым, Сырх фæзыл равдисдзысты сæйраг Уæлахизы Парад. Бæстонæйæм цæттæ кæнынц ныридæгæн дæр. Фæткмæ гæсгæ дзы архайдзысты æфсады алы хуызон къордтæ, бæстæйы алы ахуыргæнæндæттæй ахуырдзаутæ, техникæ æмæ авиаци. Кадджын уазджытæ дзы уыдзысты Фыдыбæстæйы Стыр хæсты чи архайдта, уыцы хъæбатыртæ. Цæгат Ирыстоны Ветеранты Советы сæрдары хæдивæг Бедойты Руслан куыд фехъусын кодта, афтæмæй Уæлахизы Парадмæ, Мæскуымæ, ацы аз ацæудзысты Гулуты Хизир æмæ Юрий Щербак. Ахæм фадат сын разынд квотæмæ гæсгæ. Уæ зæрдыл уын æрлæууын кæндзыстæм, ныртæккæ Цæгат Иырстоны 178 Фыдыбæстæйы Стыр Хæсты ветераны кæй цæры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv