Азы хатдзæгтæ

Цæгат Ирыстоны абон сарæзтой республикæйы муниципалон скондты Советы ацы азы фæстаг æмбырд. Ныхас дзы кодтой æвзарæн къамисты æмæ бынæттон администрацитимæ æмгуыстады фарстатыл. Сæрмагонд æргом аздæхтой республикæйы районты муниципалон организациты хæсты фарстамæ. Цæгаткавказэнергойы корпоративон разамонæджы уынаффæгæнæг Гæцойты Светланæйы ныхæстæм гæсгæ, республикæйы дебиторон хæс организацийы раз у 2 миллиарды æмæ 600 милуан сомы, кредиторон та - 4 миллиард. Уыимæ хæс чи дары, уыдонæй æмбæлгæ фиддонтæ æвзæр домынц. Фембæлды ма архайдта Цæгат Ирыстоны мыхуыры хъуыддæгты æмæ дзыллон коммуникациты комитеты сæрдар Фидараты Юрий. Йæ ныхæстæм гæсгæ, районты газет фылдæр уаддзысты, амалхъом адæм та хъæугæ æххуыс бакæндзысты ацы хъуыддагæн. Уæ зæрдыл уын æрлæууын кæндзыстæм, муниципалон организациты сæргълæуджыты æмбырд цæуы алыхуызон районты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv