Йæхи ссардта

Абон йæ гуырæнбон бæрæг кæны агурæн системæ «Гугл». Кусы 2000-æм азæй нырмæ. Йæ саразыны хъуыды та фæзынд 90-æм азты. Уæд Стэнфорды университеты дыууæ студенты Ларри Пейдж æмæ Сергей Брин сфæнд кодтой, алывæрсыг информаци дæр ссарæн кæм ис, ахæм хызæг саразын. Се 'рхъуыды сæххæст кæнын сæ къухы бафтыд 1996-æм азы. Цалдæр азы фæстæ та агурæн системæйы бындурæвæрджытæ срегистраци кодтой домЕн æмæ сæ компани дæр. Ном «Гугл» куыд фæзынд, уый бæлвырд ничи зоны. Гæнæн ис, æмæ арæзт æрцыд термин «гугол»-æй. Уый у иу æмæ йæ фæстæ 100 нолы нымæц æвдисæджы ном. Æвæццæгæн, уымæй системæйы авторты равдисын фæндыд, бирæ информаци кæй уыдзæн сæ программæйы, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv