Пъæлицæйы кусджытæ æрцахстой хæдтулгæтæ чи рафистæг кодта, уыцы нæлгоймаджы

Цæгат Ирыстоны пъæлицæйы кусджытæ ма æрцахстой хæдтулгæтæ чи рафистæг кодта, уыцы нæлгоймаджы. Сгарæн-агурæн мадзæлтты рæстæг Дзæуджыхъæуы пъæлицæйы 2-æм хайады кусджытæ æрцахстой нæлгоймаджы. Дзæуджыхъæуы 33-аздзыд цæрæджы азымджын кæнынц, хæдтулгæтæ кæй рафистæг кодта, уымæй. Куыд рабæрæг, афтæмæй сæрмагонд радиоэлектрон кусæнгарз, сканер, зæгъгæ, уымæй гом кодта хæдтулгæтæ æмæ дзы æхцаимæ чыссæтæ иста. Нæлгоймаджы куы 'рцахстой, уæд йын йæ кусæнгарз байстой. Куыд сбæрæг, афтæмæй сканер дæр давд уыд. Уый фæдыл слестгæнджытæ байгом кодтой уголовон хъуыддаг Уæрæсейы Уголовон кодексы 158 уацы 2 хаймæ гæсгæ. Уыимæ ма бæрæг кæнынц давæг ахæм фыдракæндтæ раздæр арæзта, æви нæ, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv