Ирон бæлццон

Раздæр ма уын кæй тыххæй радзырдтам, уыцы ирон лæппу Гуыриаты Зауыр ныртæккæ ис Татарстаны. Цалынмæ йæ чысыл хъæдгом бадзæбæх, уæдмæ уал сфæнд кодта республикæйы сæйраг горæтимæ базонгæ уæвын. Ацыд Казанмæ.  Æмæ мæнæ диссаг! Æнæнхъæлæджы дзы фембæлд æндæр бæлццоныл. Йæ ном - Руслан Внедорожный. Уый тыххæй дæр уын хъусын кодтам. Мах лæппу фистæгæй цæуы, Руслан та - йæхи хæдтулгæйыл æмæ йæ чысыл къæбылаимæ. Кæрæдзийы балцыты зыдтой социалон хызæгтæй, ныр сын фадат фæци лæгæй-лæгмæ фембæлынæн дæр. Зауыр фистæгæй араст Владивостокмæ, Руслан та цыппар цалхыл йæ фæндаг хъуамæ ракæна Дзæуджыхъæуыл. Фыццаг хатт не `рбафтдзæн нæ республикæмæ. Дыууæ фæндаггонæн хорз амал фæци кæрæдзийы хуыздæр базонынæн, чи сæ куыд æрвиты йæ бонтæ, уый радзурынæн. Нæ редакцийæн ацы видеоæрмæг на бавгъау кодтой, сæ иу дзы йæ фыдыбæстæн дæтты салам, иннæ та - йæ фидæны фысымтæн. Дыууæйæ дæр Ирыстоны тыххæй дзурынц. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv