Спортивон аив кæфтыты ансамбль «Фантазия» Стъараполы крайы ерысты бацахста æппæт пьедестал

Стъараполы крайы ерысты аив кæфтытæй Дзæуджыхъæуккаг къорд бацахста æппæт пьедестал. Конкурсы фыццаг къæпхæны æрыгон кафджытæ равдыстой хорз цæттæдзинад. Кафты базыртыл сфæлыстадон тохы бацыдысты æмæ сæ курдиатæй барухс кодтой адæмы æмæ жюрийы зæрдæтæ. Аив джайв, кубæйæ рацæугæ кафт ча ча ча, романтикон æмæ туг чи змæлын кæны, уыцы самба. Ацы чызджытæ хуымæтæг кафтæй рауайын кæнынц æцæг спектакль. Алы змæлдмæ дæр лæмбынæг фæкаст. Кафæн фæзы рæдийæн нæй. Æвзонг æмæ курдиатджын фæсивæд аив-спортивон кæфтыты ерысты Стъараполы крайы бацахстой æппæт пьедестал. Конкурсы ансамбль «Фантазия»-æн скодтой аккаг аргъ. Сывæллæтты цæттæдзинад хуыздæрæй-хуыздæр кæны. Сабиты уæнгты змæлдæй райгонд сты сæ хъомылгæнджытæ дæр. Æрвылбоны репетициты сæ арæхстдзинад хуыздæр кæнынц. Куыд зæгъынц, афтæмæй, фыццаджыдæр, хъæуы ритм æрцахсын, хореографи банкъарын æмæ къæхты æвæрд. Жюрийы уæнгтæ конкурсы аргъ кодтой ритм, темп, артистизм æмæ æддаг бакастæн. Рамбулын æнцон хъуыддаг нæу, уæлдайдæр ныхмæлæуджыты æмвæзад уæлдæрæй-уæлдæр куы кæна, уæд. Хиуыл æууæндын æмæ размæ тырнын. Уый у сæйрагдæр. Ныртæккæ коллектив дысвæлдæхтæй хи цæттæ кæны гран-прийы иннæ къæпхæнмæ. Ацæудзæн майы æмæ ногæй æнхъæлмæ кæсæм æрыгон къорды уæлахизмæ.