Цæгат Ирыстоны 500 гектары зæххыл ныссагътой бирæазыккон зайæгойтæ

Цæгат Ирыстоны 500 гектары зæххыл ныссагътой бирæазыккон зайæгойтæ. Растдæр зæгъгæйæ та 553 гектарыл. Уый æрмæстдæр азы райдианæй. Уыдонæй 443 гектары сты интенсивон хуызы чи зайы, ахæм зайæгойтæ, 63 гектары - мыггаг чи дæтты ахæм дыргъдæттæ æмæ 34 та гагадыргътæ. Уымæй уæлдай ма 52 гектарыл сæ уидæгтæ ауагътой æнгузы талатæ. Æртæ гектары фæзуатыл йæ къалиутæ апарахатт кæндзæн сæнæфсиры мыггаг. Æмткæй райсгæйæ Цæгат Ирыстоны хъæууон-хæдзарадон организацитæ тыллæг исдзысты зæххы 95 мин гектарæй. Уæ зæрдыл уын æрлæууын кæдзыстæм фыццаг азы æмбис хъæууон-хæдзарадон продукцийы кондад фаронимæ абаргæйæ фæфылдæр 0, 4% бæрц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv