Хъæугæ цæстдард

Цæгат Ирыстоны аразынц, социалон нысаниуæг кæмæн ис, ахæм ахуырадон, культурон æмæ æнæниздзинад хъахъхъæныны объекттæ. Цæмæй æппæт хъæугæ куыстытæ бæстонæй æмæ рæстæгыл конд цæуой, уый тыххæй сæм хъæуы уæлдай цæст дарын. Ахæм хъуыдыйыл хæст у Тускъаты Таймураз. Мæй иу хатт бабæрæг кæны арæзтадон фæзтæ. Пъланмæ гæсгæ цæуынц куыстытæ æви нæ, уый сбæрæг кæны. Премьеримæ араст ис не сфæлдыстадон къорд дæр. Цæгат Ирыстоны хицауады сæрдар йæ кусæг балц райдыдта тарниз дзæбæхгæнæн диспансерæй. Цыбыр рæстæджы фæстæ байгом уыдзæн. Бынат дзы уыдзæн 97 адæймагæн. 10 корпусы арæзтадон куыстытæ кæронмæ фесты. Хъæугæ кусæнгæрзтæ æмæ æрмæджытæй йæ сифтонг кодтой. Куыстытæ æххæстæй фæуыдзысты иннæ мæйы райдиан. Тускъаты Таймураз ма бабæрæг кодта, Дзæуджыхъæуы цы сывæллæтты ног рæвдауæндон æмæ скъола рæзынц, уыдон. Афтæ Горæтгæрон районы дæр. Дачнæйы æмæ Ирыхъæуы иухуызон проектмæ гæсгæ аразынц ног рæвдауæндæттæ. Сæ руаджы дзы сывæллæттæй алкæмæн дæр бынат фæзындзæн. Уымæй уæлдай ма хицауады сæрдар федта, Тарскæ æмæ Сунжæйы амбулаториты арæзтадон куыстытæ куыд цæуынц, уый. Æрыдоны цалцæг кæнынц рынчындон. Уый йæхæдæг бынаты федта Тускъаты Таймураз. Аразджыты ныхæстæм гæсгæ ныртæккæ бавнæлдтой мидæггаг куыстытæм. Уымæй уæлдай ма сфидар кодтой бæстыхайы бындур æмæ архайынц йе `ддаг бакаст срæсугъд кæныныл дæр. Уымæй уæлдай ма Æрыдоны цалцæг кæнынц стадион. Уый тыххæй радих кодтой 17 милуан сомы. Бандæнттæ уал дзы сæвæрдтой. Фæткмæ гæсгæ Тускъаты Таймураз бабæрæг кодта, ныридæгæн арæзт цы объекттæ сты, уыдон. Æрыдоны спорткомлекс куыд кусы, уый федта. Загъта, ахæм цæстард сæм дарддæр дæр кæй уыдзæн. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv