Автоинспектортæ сараздзысты æдасдзинады рейдтæ

Абонæй фæстæмæ æмæ 16-æм июлмæ Цæгат Ирыстоны паддзахадон автоинспекцийы кусджытæ сараздзысты рейдтæ. Сæ сæйраг нысан - шофыртæй æнæ сæрмагонд гæххæтытæй хæдтулгæтыл фæндаггон змæлды чи архайы, уыдоны сбæрæг кæнын. Фæндаггон фыдбылызы сæ гæххæтытæ ист кæмæн сты æмæ хæдтулгæйыл бадыны бар кæмæн нæй, ахæм шофыртæ инспекторты къухмæ бирæ бахауы. Цы фыдбылызтæ расайынц, уыдон æхсæнады бирæ хатт банкъуысын кæнынц. Профилактикон мадзалы тыххæй инспектортæ шофыртæн рагагъоммæ фехъусын кодтой. Паддзахадон автоинспекцийы кусджытæ фæндаггон змæлды архайджытæм сидынц, цæмæй ацы хъуыддагмæ куыдфæндыйы цæстæй ма кæсой. Афоныл хъуамæ барады кусджытæн хъусын кæной, шофыртæй фæндаггон змæлды домæнтæ чи не `ххæст кæны, уыдоны æмæ бардæттæг гæххæттытæ кæмæ нæй, уыдоны тыххæй дæр. Иудзырдæй, курынц, цæмæй адæм фæндагыл уой къæрцъхъусдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv