Абон у сывæллæтты хъахъхъæныны æппæтадæмон бон. Республикæйы чысыл цæрджытæн арфæ ракодта Сергей Меняйло. Ацы бон нысангонд æрцыд цæмæй паддзахад æмæ æхсæнад се 'ргом раздахой рæзгæ фæлтæры бартæм, закъоны бындурыл сæ хъахъхъæной. Сæргълæууæг куыд фæнысан кодта, афтæмæй нæ размæ лæууы бæрнон æмæ ахсджиаг хæс. Нæ райгуырæн республикæйы сомбонæн æнæниз, удæй хъæддых, зондджын æмæ ахуыргонд фæлтæр схъомыл кæнын, æцæг патриотты æмæ нымад лæгты. Республикæйы арæзт цæуынц æппæт уавæртæ дæр фæсивæды алывæрсыг райрæзтæн, спорты æмæ сфæлдыстады хи фæлварынæн, хæрзхъæд ахуырад райсынæн. Чызджытæ æмæ лæппутæ сæ сабибонтæ цавæрæй бахъуыды кæндзысты, уый аразгæ у хистæртæй. Разæй сывæллæттæм æнхъæлмæ кæсынц сæрдыгон каникултæ. Уадз, æмæ рауайой хъæлдзæг, хурдзаст, цымыдисаг цаутæй дзаг æмæ хорз зæрдæйы ахастимæ. Æнæниз æмæ хъæлдзæг уæд алы саби дæр. Уæ бæллицтæ сæххæст уæнт,- загъта Сергей Меняйло.