Æнæниз ут!

Тагъд рæстæджы Реданты поселочы кусын райдайдзæн ног фельдшерон-акушерон пункт. Цалцæггæнæн куыстыты куыд æххæстгонд цæуынц уый сбæрæг кодта Дзæуджыхъæуы администрацийы сæргълæууæг Æлбегаты Барис. Хъæуы цæрджытæ ацы медицинон уагдонмæ рагæй æнхъæлмæ кастытсты. Ног фельдщерон-акушерон пункт ифтонг у æппæт хъæугæ кусæнгæрзтæй. Зæгъæм, тагъд æххуысы къареты ис кардиограф. Уый фадат ратдзæн бахъуаджы рæстæг инфарктæй кæмæн тæрсой, уыцы рынчыны бæрæггæнæтæ æвæстиатæй арвитын Беслæны медицинон центрмæ. Æлбегаты Барис куыд фæнысан кодта, афтæмæй ахæм медицинон уагдæттæ аразынц сæрмагонд программæмæ гæсгæ, нæ республикæйы алы хъæуты. Куыстытæ куыд цæуынц уымæй разыйæ баззад. Фæнысан ма кæндзыстæм уый, æмæ Реданты фельщшерон-акушерон пункт у Дзæуджыхъæуы 4-æм поликлиникæйы дæлхайад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv