Ног гæнæнтæ

Куыст агурын, резюме раст фыссын - ацы æмæ æндæр хъуыддæгтыл дзырдтой Цæгат Ирыстоны медицинон академийы. Уæлдæр курсыты студенттæн æмæ ординатортæн сарæзтой «Карьерæйы бон», зæгъгæ. Йæ сæйраг нысан - Медицинон æмæ ахуырадон кусæндæтты æмархайд фидар кæнын, академийы рауагъдонтæн куысты бынæттæ ссарын. Уый тыххæй студенттæ æмæ рауагъдонтæн сарæзтой куысты бынæтты армукъа. Суинаг медицинон кусджытæн радзырдтой, нæ бæстæйы фылдæр цавæр специалисттæ хъæуы, уый тыххæй. Академи республикæйы рынчындæттæ æмæ поликлиникæтимæ æнгомæй кусы. Конференцийы ма архайдтой медицинон центрты, стоматологон клиникæты æмæ афтекты минæвæрттæ. «Ацы æмбырд пайда у куыд студенттæ, афтæ куыстуæтты разамонджытæн дæр. Ординатортæ йæ æмбарынц, йæ руаджы куыст ссарын кæй уыдзæн, уый. Уыимæ, куыд хицæн адæймæгты, афтæ стыр паддзахадон клиникæты дæр», - ординатор Битарты Павел. «Æрвылаз дæр бацархайæм студенттæн куысты бынæттæ ссарыныл. Саразæм алыхуызон мадзæлттæ, армукъатæ. Ахæм ахсджиаг хъуыддаджы та фыццаг хатт архайæм», - Цæгат Ирыстоны медицинон академийы проректор Алла Гурина. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv