26 азы сæххæст Хуссар Ирыстоны паддзахадон телерадиокомпани «ИР» ы равзæрдыл

26 азы сæххæст Хуссар Ирыстоны паддзахадон телерадиокомпани «ИР»-ы равзæрдыл. Телеуынынады кусджытæн, бæрæгбоны фæдыл, афрæйы ныхæстæ ракодта республикæйы президент Бибылты Анатолий. Куыд фæнысан кодта, афтæмæй телерадиокомпани ссæдз азæй фылдæр лæггад кæны республикæйы цæрджытæн. Уæдæй нырмæ фидар бынат бацахста Хуссар Ирыстоны дзыллон информацион раззагдæр фæрæзты*хсæн. Телеканал рухс куы федта, уæд зын рæстæг уыди, фæбæрæг кодта Бибылты Анатолий. Фыццаг хатт комкоммæ эфиры куы рацыд, уæд ын бантыст информацион «æрхъулайæ» фервæзын - æгас дунейæн дæр радзырдтой республикæйы æцæгæйдæр цытæ цæуы, уый тыххæй. Ныртæккæ дæр «ИР» адæмы*хсæн хъуыстгонд у. Алы бон дæр сын телерадиокомпани цæттæ кæны ахуызон информацион программæтæ æмæ ирхæфсæн равдыстытæ, паддзахады куыстæн аргъ кæнынц, ног проекттæ хæссын сæ кæсджыты размæ. Бибылты Анатолий ныфс бавæрдта, кусджыты фæлтæрддзинады руаджы телеканал дарддæр дæр бæрзонд æмвæзадыл кæй кæндзæн йæ куыст, уыимæ ма хуыздæрæй-хуыздæр. Хуссар Ирыстоны паддзахадон телерадиокомпани байгом кодтой 16-æм мартъийы 1994-æм азы. Хæсты фæстæ йын нæ уыд æмбæлгæ фадæттæ, стæй техниконд ифтонгад дæр, фæлæ æнгомдзинад æмæ разæргардгæнæг амæлттæй размæ рацыд. Уæдæй нырмæ, йæ авналæнтæ зынгæ фæуæрæхдæр сты - эфиры гæнæнтæ та - бæрнондæр. Кæд уый раздæр хабæртты рауагъдæй арæзт уыд, уæд ныртæккæ фæхъæздыгдæр æндæр программæтæй. Алы бон дæр эфиры - хабæрттæ куыд иронау, афтæ уырыссаг æвзагыл дæр. Телевизормæкæсджытæн ныр фадат ис каналмæ кæсын райсомы 8 сахатæй фæстæмæ. Разынд, æрыгон фæлтæр дзы йæ къух куыд бакодта, уый дæр. Уæдæ «ИР» æнтыстджынæй æмгуыст кæны нæ телекомпани «Осетия-Ирыстон»-имæ дæр. Бæрæгбоны фæдыл сын мах дæр, нæ телеканалы номæй, арфæтæ кæнæм. Нæ зæрдæ сын зæгъы, дарддæр дæр сæ куыст афтæ æнтыстджын куыд кæной æмæ кæддæриддæр хорз хабæрттæ куыд хъусын кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv