Уæрæсейы раззагдæрты

Пятигорскы абон райдыдта "Уæрæсейы раззагдæрты", зæгъгæ, федералон конкурсы æрдæгфинал. Æдæппæтæй конкурсанттæ сты дыууадæс мин адæймаджы. Уыдонæй Цæгат Кавказы зылдæй конкурсмæ сæмбæлдысты æртæсæдæ адæймаджы, се `хсæн нæ республикæйы минæвæрттæ дæр. Æппæтуæрæсеон ерысты уæлахиздзаутæн сæ дарддæры рæзт æмæ ахуырæн ратдзысты фæйнæ милуан сомы. Пятигорскы кусы нæ уацхæссæг Æлбегаты Генриеттæ. Форумы фыццаг боны тыххæй нын радзырдта телефонæй. Конкурс арæзт у Уæрæсейы Президенты æмæ Уæрæсейы паддзахадон разамынды академийы уæлдæр скъолайы хъæппæрисæй. Цæуы фыццаг хатт. Хуыздæрты ном райсыныл тох кæнынц Цæгат Ирыстоны дыууын минæвары. Ерысты архайджытæн "æгасцуай" загъта Уæрæсейы президенты æххæстбарджын минæвар Цæгат Кавказы федералон зылды Олег Белавенцев. Абон ма академийы уæлдæр скъолайы ректор конкурсанттæн сарæзта дæсныйадæвдисæг ахуыртæ. Форум уыдзæн дыууæ боны æмæ уыцы рæстæг ерысгæнджытæ хъуамæ сæххæст кæной сæрмагонд хæслæвæрдтæ. Афтæмæй рабæрæг уыдзæн, цас дæсны разамонджытæ сты, уый. Æлбегаты Генриеттæ _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv