Хъаспийы æфсады сгарджытæ архайынц сæрмагонд ахуырты Дайраны полигоны

Хъаспиаг флотилийы сгарджытæ сæхи цæттæ кæнын райдыдтой Дайраны полигоны. Алы бон дæр æфсæддон сгарджыты ахуыр кæндзысты хæхты хи куыд дарын хъæуы, къæдзæхтыл раст куыд цæуын хъæуы, ууыл. Ахуыртæ цæуынц цалдæр къæпхæнмæ гæсгæ. Сæ арæхстдзинад хуыздæр кæнынц бæлвырд хæслæвæрдтæ æххæст кæнгæйæ. Куыст цæуы сæ физикон цæттæдзинадыл æмæ сæ психикон уавæрыл. Тренировкæтæ цæудзысты февралы кæронмæ. Уæдмæ æфсæддонтæ ахуыр кæндзысты хæххон уавæрты æмæ хъæдты сгарæджы куыст кæныныл. Уыимæ куыд хицæнтæй, афтæ къордтæй дæр. Кæронбæттæны сæ арæхстдзинад равдисдзысты сæрмагонд тактикон ахуырты æмæ дзы сбæрæг уыдзæн сгарджыты хуыздæр къорд. Ахуырты рæстæг ма салдæттæн амондзысты, хæххон цæугæдæтты сæрты куыд хизын хъæуы, хæххон уавæрты хæцæнгæрзтæй куыд æхсын хъæуы, размæ бырсын куыд хъæуы, уыдæттæ, стæй тактикон æмæ хи æмбæхсыны мадзæлттæ. Пайда кæндзысты альпинистон техникæйæ, бастдзинады фæрæзтæй æмæ æндæр ирвæзын гæнæн системæйæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv