Хицауад чысыл амалхъомад æмæ социалон æнæкоммерцион куыстуæтты рæзтæн рахай кæндзæн 38,5 млрд сомы

Чысыл амалхъомад æмæ æнæкоммерцион организацитæн Уæрæсейы хицауад баххуыс кæндзæн. Ног гранттæн рахай кæндзысты 38 миллиардӕй фылдӕр. Уый тыххæй фехъусын кодта бæстæйы премьер-министр Михаил Мишустин. Курдиæттæ бадæттæн уыдзæн 1-æм ноябрæй фæстæмæ. Æхцайы фæрæзтæ та сæ бон райсын суыдзæн 15-æм ноябры. Пандемийæйы рæстæг амалхъомадæн баххуыс кæныны уынаффæ рахаста Уæрæсейы президент Владимир Путин. Фыццаджыдæр, цæрджытæн чи лæггад кæны, уыдонæн. Зæгъæм, фысымуæттæ, æхсæнадон хæрæндæттæ, спорт æмæ уæлæмхасæн ахуырады къабæзтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv