Спортивон бинонтæ

Бинонты, уарзондзинад æмæ иузæрдиондзинады бон сбæрæг кодтой республикæйы мидхъуыддæгты министрады кусджытæ дæр. «Динамо»-йы стадионы сарæзтой спортивон-ирхæфсæн хъазт «Папа, мама я -спортивная семья». Архайдтой дзы ведомствойы кусджытæ сæ бинонтимæ. Сæ тыхтæ æвзæрстой алыхуызон ерысты. Тæрхонгæнджытæ та сын бæрæг кодтой сæ фæразондзинад, сæрæндзинад æмæ æрхъуыдыдзинад. Стæй ма сын сарæзтой къорды иумæ куыд архайынц, уый сбæрæг кæныны ерыстæ. Командæты капитантæ та уыдысты сывæллæттæ. Мадзалы архайдтой 20 бинонтæй фылдæр. Æппæты лымæндæр æмæ æнгомдæр бинонты æвзæрстой цыппар хуызы ерысты: къахкъæлæттыл тагъд цæуынæй, эстафетæты «Ипподром» æмæ «Дуэт»-ы, стæй цæлхдурты сæрты фæндаг «штурм»-ы сæхи куыд равдыстой, уымæ гæсгæ. Ерысты кæронбæттæн сывæллæтæн радтой зæрдылдарæн лæвæрттæ. Уæлахиздзау бинонтæн та - зына ргъ лæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv