Хетæгкаты Къостайы 160 азы юбилейы фæдыл кадджын мадзæлттæ дарддæр æххæстгонд цæуынц

Хетæгкаты Къостайы 160 азы юбилейы фæдыл кадджын мадзæлттæ дарддæр æххæстгонд цæуынц. Ацы бон, ирон литературæйы бындурæвæрæджы ном æрымысыдысты Хуссар Ирыстоны. Номарæн мадзæлттæ ацыдысты фæткмæ гæсгæ. Сæ сæйрагдæртæй иу - Къостайы номыл преми. Хорзæхджынгонд дзы чи æрцыди, уый сбæрæг. Аккаг аргъ кæмæн скодтой æмæ бæрæгбоны мадзæлттæ куыд ацыдысты, уый тыххæй радзурдзæн Хуасдзауты Алинæ. Спайда кодта Паддзахадон Телерадиокомпани «Ир»-ы ист кадртæй. Ирон адæмы ирддæр стъалы- Хетæгкаты Къостайы 160-юбилейы фæдыл сарæзтой рæсугъд бæрæгбон. Æрбамбырд сты республикæйы хицауад æмæ æхсæнады минæвæрттæ, студенттæ æмæ скъоладзаутæ. Къостамæ уарзондзинад адæмы зæрдæты æгæрон у. Йе сфæлдыстадæй стыр æвæрæн бахаста ирон адæмы иудзинадмæ. Йæ ныстуантæ ма абон дæр иууылдæр хъуыды кæнынц. Къоста йæ æвидийгæ рæнхъытæ дзырдта рæстдзинады тыххæй. Адæмы разæнгард кодта кæрæдзийы уарзынмæ, мæгуыр æмæ æфхæрд адæмы сæрыл тох кодта. Поэты юбилейы фæдыл наукæйы æмæ сфæлдыстадон къабазы кусджыты схорзæхджын кæнынц Хетæкгаты Къостайы премийæ. Саккаг сæ кæнынц 5 номинацимæ гæсгæ - литературæ, публицистика, ирон филологи, культурæ æмæ истори. Литературон преми балæвар кодтой поэт Чехойты Ольгæйæн, цы чингуытæ ныффыста «Нæ Иры зæринхур, Къоста!», «Дæуыл хаст дæн», «Ирон Фæндыр», Хетæгкаты Къостайæн (йæ райгуырды 160 азы бонмæ). Йæхæдæг куыд загъта, афтæмæй йæ преми фæнд кæны республикæйы скъола-интернатты сывæллæттæн радтын. Аивады къабазы кусджытæй премийы лауреат сси адæмон инструментты паддзахадон оркестр «Айзæлд»-ы аивадон разамонæг - Уалыты Нинæ. Схорзæхджын æй кодтой музыкалон композици «Хæхты»-йы фæдыл. Публицистикæйы номинацийы преми саккаг кодтой сгуыхт журналист Хъуылымбегты Роберт æмæ журнал «Фидиуæг»-æн. Ирон филологийы кусджытæй хорзæхджынгонд æрцыд профессор, филологон наукæты доктор Джабиты Зарбег. Банымадтой йæ йæ чиныг «Ирон æвзджы фразеологон дзырдуат»-ы тыххæй. Историон наукæты номинацийы преми балæвар кодтой доцент Дзугайты Къостайæн йæ монографи «Понятие» æмæ «Окна возможности»-йы фæдыл. Уыцы номинацийы ма Хетæгкаты Къостайы премийы лауреат сси профессор Гаглойты Юрий. Наукæйы къабазы сгуыхт кусæг, Къостайы номыл паддзахадон премийы дыууæ хатты лауреатæн преми саккаг кодтой йæ наукон куыстыты æмбырдгонд «Нарты и Аланы»-йы фæдыл. Конкурс аразынц поэты юбилейы кадæн президенты уынаффæмæ гæсгæ. Преми у 350 мин сомы. Ацы аз Хетæгкаты Къостайы преми райсыны номхыгъды уыдысты Хуссар Ирыстоны 14 наукон æмæ сфæлдыстадон къабæзты минæвæрттæ. Тедеты Розæ, Бететы Алим, Къусраты Тамерлан _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv