Алагиры районы снысан кодтой цæттæдзинады уæлдæр фæтк

Алагиры районы снысан кодтой цæттæдзинады уæлдæр фæтк. Кусы республикон штаб дæр. Ныртæккæ Мызуры цæрæнбынæттæн тæссаг нæу. Зынгхуыссынгæнджытæ дарддæр рад хæссынц Æрыдоны доны рахиз былгæрон социалон объекттæ æмæ хæдзæрттæм хæстæг. Бынæттон администрацийы ацыд ведомствоты 'хсæн æмбырд. Амыдта йæ вице-премьер Томайты Ирбег. Цæгат Ирыстоны прокурæтурæ ацы цауы фæдыл снысан кодта басгæрст. Зынг хуыссын кодтой 68 адæймаджы æмæ техникæйы 14 иуæджы. Уæ зæрдыл уын æрлæууын кæндзыстæм, дысон Мызуры ссыгъд хусгæрдæг. Йæ аххосаг тыхдымгæйы рæстæг электрон тыхы линитæ кæрæдзиуыл кæй аныдзæвыдысты, уый.