Къесаты Астаны номыл Дзæуджыхъæуы кадджын уавæры байгом кодтой мемориалон нысан
Советон Цæдисы хъæбатыр, фыццаг ранджы капитан Къесаты Астаны номыл Дзæуджыхъæуы кадджын уавæры байгом кодтой мемориалон нысан. Мадзалы архайдтой Къесаты мыггаджы æмæ горæты администрацийы минæвæрттæ, ветеранты Советы уæнгтæ, скъоладзаутæ æмæ æрыгон армионтæ. Абон нæ бæстæйы бæрæг кæнынц æфсæддон намысы бон. Уыимæ ма абон у Къесаты Астаны райгуырæн бон дæр. Уый у зындгонд советон æфсæддон наудзог, дæлдондзæуæг нау "М-117"-ы къамандыгӕнӕг, фыццаг ирон дæлдондзæуæг æфсæддон. Хæсты рæстæг сарæзта 14 æфсæддон балцы æмæ 10 бабырсты торпедæтимæ. Къесаты Астаны схорзæхджын кодтой Советон Цæдисы хъæбатыры номæй, радтой ма йын Ленины номыл орден æмæ "Сырх Стъалыйы" майдан. Цард Севастополы. Уым йæ номыл схуыдтой горæты сквер æмæ дзы байгом кодтой мемориалон дур. Къæдзæхы къæртт та Севастопольмæ аластой Цæгат Ирыстоны хæхтæй. Ныр та Дзæуджыхъæуы дæр фæзынд монументы хай. Барельеф сарæзта республикæйы сгуыхт нывгæнæг Хайаты Ибрагим. Ахæм хъæппæрис та разынд Хъесаты мыггаджы минæвæрттæ æмæ горæты администрацийы кусджытæм.
Советон Цæдисы хъæбатыр, фыццаг ранджы капитан Къесаты Астаны номыл Дзæуджыхъæуы кадджын уавæры байгом кодтой мемориалон нысан. Мадзалы архайдтой Къесаты мыггаджы æмæ горæты администрацийы минæвæрттæ, ветеранты Советы уæнгтæ, скъоладзаутæ æмæ æрыгон армионтæ. Абон нæ бæстæйы бæрæг кæнынц æфсæддон намысы бон. Уыимæ ма абон у Къесаты Астаны райгуырæн бон дæр. Уый у зындгонд советон æфсæддон наудзог, дæлдондзæуæг нау "М-117"-ы къамандыгӕнӕг, фыццаг ирон дæлдондзæуæг æфсæддон. Хæсты рæстæг сарæзта 14 æфсæддон балцы æмæ 10 бабырсты торпедæтимæ. Къесаты Астаны схорзæхджын кодтой Советон Цæдисы хъæбатыры номæй, радтой ма йын Ленины номыл орден æмæ "Сырх Стъалыйы" майдан. Цард Севастополы. Уым йæ номыл схуыдтой горæты сквер æмæ дзы байгом кодтой мемориалон дур. Къæдзæхы къæртт та Севастопольмæ аластой Цæгат Ирыстоны хæхтæй. Ныр та Дзæуджыхъæуы дæр фæзынд монументы хай. Барельеф сарæзта республикæйы сгуыхт нывгæнæг Хайаты Ибрагим. Ахæм хъæппæрис та разынд Хъесаты мыггаджы минæвæрттæ æмæ горæты администрацийы кусджытæм.