Кæсæг-Балхъары республикæйы сæргълæууæджы хæстæ рæстæгмæ æххæст кæндзæн Казбек Коков

Кæсæг-Балхъары республикæйы сæргълæууæджы хæстæ рæстæгмæ æххæст кæндзæн Казбек Коков. Ахæм уынаффæ рахаста Уæрæсейы президент Владимир Путин. Республикæйы сæргълæууæг Юрий Коков йæ бынат ныууагъта. Владимир Путин куыд фæнысан кодта, афтæмæй ацы мыггаг тынг æнгом баст у республикæйы цардимæ. Ног разамонæг, Казбек Коков алыхуызон бæрнон бынæтты куыста. 2013-æм азæй фæстæмæ уыдис Уæрæсейы президенты администрацийы уынаффæгæнæг. У, 1992-2005 азты Кæсæг-Балхъары республикæйы сæргълæууæгæй чи куыста, уыцы Валерий Коковы фырт. Кæй йыл баууæндыд æмæ йыл ахæм бæрнон хæс кæй сæвæрдта, уый тыххæй Казбек Коков раарфæ кодта Уæрæсейы Президентæн. Бафтаудзыстæм ма уый æмæ Владимир Путин баивта Астраханы облæсты æмæ Приморьейы крайы сæргълæуджыты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv